डिप्लोमा इन डायटेशियन अॅन्ड न्युट्रिशिअन आहार तज्ञ उद्यमिता विकास प्रशिक्षण केंद्र सातारा

डिप्लोमा इन डायटेशियन अॅन्ड न्युट्रिशिअन (आहार तज्ञ)

सकाळी उठल्यापासून रात्री झोपेपर्यंत सतत कामात राहणे, कार्यमग्न राहणे, ताणतणावात राहणे,सतत धावपळीचे आयुष्य जगणे यामुळे  आपले आरोग्य धोक्यात आले आहे त्याच्यामुळे आपले आयुर्मानही सध्या  कमी होत चालले आहे. आपली जीवनशैलीच सारे बदलून गेले आहे. आधुनिक संसाधनांचा वापर वाढत चालला आहे. त्यामुळे अधिकाधिक सुखसोयी निर्माण होत आहेत. अनेक यंत्रे आपल्या दिमतीला असल्यामुळे शरीराला कष्टाची सवयच राहिलेली नाही.  वारेमाप रासायनिक खतांचा वापर आणि कीटकनाशकांचा वापर यामुळे अन्नातील सकसता निघून गेली आहे. किंबहुना आपण बरेच विषयुक्त अन्ना दररोज खात आहोत.  

Join whats App Group

अशा अनेक कारणांमुळे आपले आरोग्य धोक्यात आले आहे.  आपले आयुर्मानही बरेच कमी झाले आहे. हृदयरोग, डायबिटीस, पॅरलिसीस, कॅन्सर अस्थमा, अशा अनेक आजारांनी आपण ग्रस्‍त झालो आहोत. आपली आरोग्य शक्तीचा फार कमी होत चालली आहे. आणि त्याच मुळे करोना सारख्या आजाराला असंख्य लोक आपल्याकडे बळी पडलेले दिसून आले. निरोगी आयुष्य जगणे  याचा थेट संबंध आपल्या आहाराशी आहे  हे आता लोकांना समजायला लागले आहे.  

त्यामुळेच आहार तज्ञांकडून  आपल्या आहाराचे नियोजन  करून घेण्याकडे लोकांचा कल वाढत आहे.  आहार तज्ञ म्हणून कायदेशीर प्रॅक्टीस करता येण्यासाठी 

उद्यमिता विकास प्रशिक्षण केंद्र सातारा 
येथे 

डिप्लोमा इन डायटेशियन अॅन्ड न्युट्रिशिअन (आहार तज्ञ)

 हा प्रशिक्षण कार्यक्रम दि. १०/१२/२०२३  पासून प्रत्येक रविवारी सुरू होत आहे.  कालावधी ६ महिने 

यामध्ये  शरिरशास्त्र, पॅथॉलॉजी, क्लिनिकल प्रॅक्टिस, जीम डायट प्रॅक्टिस, स्पोर्टसमन डायट प्रॅक्टिस, वजन वाढवणे, वजन कमी करणे, मुलांमध्ये ग्रोथ डायट प्रॅक्टिस, जनरल डायट प्रॅक्टिस इ. PHD, Post Dr. असणा-या तज्ञांकडून शिकण्याची संधी. प्रशिक्षण पूर्ण झाल्यावर याची परीक्षा घेण्यात येणार असून याचे भारत शासन नोंदणीकृत उद्यमिता विकास प्रशिक्षण केंद्राचे प्रमाणपत्र देण्यात येणार आहे. 

अधिक माहितीसाठी महेश कुलकर्णी, उद्यमिता विकास प्रशिक्षण केंद्र, राजधानी टॉवर, तिसरा मजला, राजवाडा बस स्टॉप जवळ सातारा 9822397384 येथे संपर्क साधावा.

Join Whats app Group

दिवाळी स्पेशल प्रशिक्षण

 

दिवाळी म्हणजे विविध पदार्थांची रेलचेल

सगळ्या सणांचा राजा दिवाळी हा सण आहे या सणाला उत्साहाचा आनंदाचा भरभराटीचा सण म्हणूनही ओळखलं जाते. 

या सणाला भरपूर खरेदी केली जाते नवीन कपडे नवीन वस्तू नवीन गाडी नवीन मोठ्या वस्तू यांची खरेदी या सणाला होत असते त्याचबरोबर वेगवेगळ्या लज्जतदार पदार्थांची रेलचेल या सणांमध्ये घरामध्ये असते. 

लाडू ,चकली ,करंजी, शेव, वेगवेगळ्या प्रकारचे चिवडे ,बालुशाही, अनारसे ,शंकरपाळ्या, वेगवेगळ्या प्रकारचे लाडू असे अनेक पदार्थ दिवाळीमध्ये करण्याची, खाण्याची हौस आणि मौज मोठी वेगळीच असते. परंतु आता  नवरा आणि बायको दोघेही नोकरी करत असल्यामुळे किंवा कामा निमित्त बाहेर पडत असल्यामुळे हे सगळे पदार्थ करायला वेळच शिल्लक उरत नाही आणि म्हणूनच या पदार्थांच्या व्यवसायाला फार मोठी संधी उपलब्ध झालेली आहे.  

गौरी गणपती आणि दिवाळीच्या सणाच्या  वेळी या पदार्थांना बाजारात मोठी मागणी असते. 

या उद्योग संधीचा फायदा घेता येण्यासाठी उद्यमिता विकास प्रशिक्षण केंद्र ,सातारा येथे दिवाळी स्पेशल या प्रशिक्षणाचे आयोजन करण्यात आले आहे.

हे प्रशिक्षण 22 ऑगष्ट ते 26 ऑगष्ट 2022 असे 5 दिवस 11 ते 4 या वेळेत घेण्यात येणार आहे .  

यामध्ये व्यावसायिक दृष्टिकोनातून मोतीचूर लाडू, रवा लाडू ,बेसन लाडू ,मुग लाडू ,रवा बेसन लाडू,वेगवेगळ्या प्रकारच्या  करंजा ,चकल्या ,शेवेचे वेगवेगळे प्रकार ,शंकरपाळी, चिवड्याचे वेगवेगळे प्रकार यामध्ये भाजके पोह्यांचा चिवडा, लक्ष्मीनारायण चिवडा, तळून करण्याचा चिवडा, पातळ पोह्यांचा चिवडा, लक्ष्मिनारायण चिवडा, असे विविध प्रकारचे चिवडे कडबोळी, अनारसे, बालुशाही, चिरोटे,  दोन कलर बर्फी, तीन कलर बर्फी,काही वेगळे मिठाईचे प्रकार अशा अनेक पदार्थ यामध्ये व्यावसायिक दृष्टिकोनातून शिकवले जाणार आहेत. 

या पदार्थांना महाराष्ट्रामध्ये, भारतामध्ये तर मागणी आहेच याशिवाय आला परदेशातही खूप मोठी मागणी आता मिळू लागले आहे .म्हणून   वेगळी व्यवसाय संधी म्हणून त्याच्याकडे आता बघितले जाते .

अधीक माहितीसाठी व प्रवेशासाठी 
संचालक श्री. महेश कुलकर्णीसर
उद्यमिता विकास प्रशिक्षण केंद्र ,
राजधानी टॉवर, 3 रा मजला,राजवाडा बसस्टॉप जवळ, सातारा येथे संपर्क साधावा. 

फोन नं. 9822397384

Wangikar Classes | Karad

||तमसो मा ज्योतिर्गमय|| 

कराड शहरातील विद्यार्थ्यांचे हमखास यश म्हणजे वांगीकर क्लासेस 

 १०० टक्के यशाची हमी, ८वी, ९वी, १० वी प्रवेश सुरु, प्रवेश मर्यादित

Semi English & English Medium 

Mathematics, Science, English, Social Studies.

JEE, NEET Foundation Batch

241/ब, सोमवार पेठ पाण्याच्या टाकी जवळ कराड

आजच संपर्क साधा

9403245901, 9404456413

ज्योतिष विषारद प्रशिक्षण

माणसाचे जीवन म्हणजे न उलघडलेल्या कोडे आहे. इंद्रधनुष्यातील अनेक रंगानी सजलेले असे आयुष्य असते. 

आनंद,सुख,समाधान, ऐश्वर्य ,समृद्धी ,श्रीमंती ,मान सन्मान ,प्रतीष्ठा, या सगळ्या हव्या हव्याशा बाबी तर निराशा,दुःख , गरीबी, एकटेपण,अपमान अशा नकोशा बाबी यांची गुंफन म्हणजे आयुष्य . 

क्षणात सुख तर क्षणात दुःख असणाऱ्या या जिवणात सुखी आनंदी आयुष्य असावे असे सर्वांनाच वाटत असते आणि उद्याचा दिवस आनंदी असावा म्हणून सदैव सर्वजन धडपडत असतात, प्रयत्न करत असतात. भविष्यात काय घडणार आहे याची उत्सुकता  सगळ्यांनाच असते.

 उद्याच्या आयुष्यात डोकावता आलेतर असे सर्वांना वाटते. त्याच मुळे अनेक संशोधक   रूशी,मुनींनी संशोधन करून ज्योतिष शास्राची निर्मिती  केलेली आहे. गितेत सांगितल्या प्रमाणे क्रयमान,संचित आणि प्रारब्ध या नियमांनी तयार झालेल्या अत्यंत सखोल खगोल शास्त्राच्या सभ्यास, संशोधनामुळे  ज्योतिष शास्तातील तर्कविज्ञान अचंबीत करणारे असे आहे.

 भविष्यकाळातील काय घडामोडी घडणार आहेत यांचा अंदाज या शास्त्रामुळे लावता येतो आणि जीवन आनंदी करता येते. 

ज्योतिष शास्त्र समजून घेण्यासाठी तज्ञ ज्योतिषी होण्यासाठी 

ज्योतिष विषारद प्रशिक्षणाचे 

आयोजन उद्यमिता विकास प्रशिक्षण केद्र, सातारा येथे रविवार दि. 19 जून 2022 पासून प्रत्येक रविवारी दु. 2:30 ते   5ः 00 यावेळेत 6 महिने कालावधीचे करण्यात आलेले आहे. 

 यामध्ये पंचांगाचा अभ्यास,प त्रिका तयार करणे यासाठी गावांचा सुर्योदय,सुर्यास्त काढणे , स्पष्ट लग्न काढणे,स्पष्ट ग्रह काढणे, विविध कुंडल्या तयार करणे,प्रामुख्याने लग्न कुंडली,भावचलीत कुंडली,नवमांश कुंडली,सुर्य कुंडली,राशी कुंडली,पत्रिकेचा दर्जा, पत्रिकेतील ग्रहयोग,राजयोग, श्रीमंत होणार का? गाडी, बंगला,फ्लॅट,दुकान,स्थावर संपत्ती , यश, कीर्ती, प्रसिद्धी ,मुलांचे शिक्षण ,व्यवसाय,नोकरी,परदेशा गमन,आजारपण,अपघात, अनेक प्रकारच्या अडचणी, अशा अनेक प्रश्नांची उकल कशी करावी याचे सखोल ज्ञान देण्यात येणार आहे. प्रशिक्षण पूर्ण झाल्यावर प्रमाणपत्र देण्यात येणार आहे.

अधीक माहितीसाठी व प्रवेशासाठी 
संचालक श्री. महेश कुलकर्णीसर
उद्यमिता विकास प्रशिक्षण केंद्र ,
राजधानी टॉवर, 3 रा मजला,राजवाडा बसस्टॉप जवळ, सातारा 

येथे संपर्क साधावा. 

फोन नं. 9822397384

मोठा माणूस | निळू फुले

 

महाबळेश्वरला जाताना वळण घेण्याआधी पुणे सातारा मार्गावर एक हॉटेल लागायचं, त्यावर निळू फुले यांचे चित्र  होतं आणि लिहलेले असायचं "मोठा माणूस" फक्त खलनायकी भूमिका पाहिलेल्या लोकांना नीलकंठ कृष्णाजी फुले हउर्फ निळूभाऊंचे हे मोठे सामाजिक कार्यकर्ते होते आणि प्रत्यक्ष जीवनात मितभाषी आणि संकोची वृत्तीचे होते हे सांगूनही खरं वाटणार नाही. श्रीराम लागू यांना आम्ही भेटायला ( मुलाखत ) गेलो असताना डॉक्टरांना मी प्रश्न विचारला होता की निळूभाऊंबरोबर तुमचे संबंध कसे होते ? तर त्यावर लागू म्हणाले की फार मोठा मनाचा माणूस आणि त्यांच्या डोळ्यात पाणी आलं होतं. हा प्रसंग मी स्वतः अनुभवला आहे त्यामुळे निळूभाऊ माझ्यासाठी वेगळं समीकरण बनले, मी अनेक पुस्तकं, सेवादल व विवेक मासिक व दिवाळी अंक वाचत हा माणूस समजत गेलो. महाराष्ट्रात अनेक मोठे कलावंत होऊन गेले, पण दुर्गमातल्या दुर्गम खेडय़ापर्यंत आणि तिथल्या शेवटच्या माणसापर्यंत पोहोचलेली जी काही मोजकी नावे असतील, त्यात निळू फुले यांचे नाव अग्रक्रमाने येते. 

               सुरुवातीपासूनच चे राष्ट्रसेवादलाच्या माध्यमातून सामाजिक कार्यात सक्रिय सहभागी होते. मेधा पाटकरांच्या आंदोलनापासून क्रांतिवीर नागनाथअण्णा नायकवडी यांच्या कष्टक-यांच्या चळवळीपर्यंत त्यांनी स्वत:ला जोडून घेतले होते. निवडणुकीच्या काळात डाव्या चळवळीतील कार्यकर्त्यांच्या प्रचारासाठी जात होते. सामाजिक कृतज्ञता निधीच्या माध्यमातून डॉ. श्रीराम लागू यांच्यासोबत कार्यरत होते. अशा ठिकाणी त्यांच्यातला नट कधीच अस्तित्वात नसायचा. विनम्रता आणि भिडस्तपणा एवढा की, आजूबाजूच्या माणसांना संकोच वाटावा.  ‘कथा अकलेच्या कांद्याची’ या लोकनाट्याद्वारे रंगमंचावर पदार्पण करत ‘एक गाव बारा भानगडी’ या चित्रपटातून प्रेक्षकांसमोर त्यांनी साकारलेली ‘झेलेअण्णांची’ भूमिका निळू फुलेंना चित्रपट जगतात एक वेगळीच ओळख देउन गेली. मराठी चित्रपट सृष्टीत ‘सामना’, ‘शापित’, ‘सोबती’, ‘पुढचं पाऊल’, ‘सिंहासन’, ‘भुजंग’ यांसारख्या चित्रपटातून निळूभाउंनी साकारलेल्या भूमिका आजतागायत अजरामर आहेत. नाटक आणि सिनेमामधून त्यांनी साकारलेल्या नायकी-खलनायकी भूमिकांनी प्रेक्षकांच्या मनावर छाप पाडली खरी, पण निळू फुलेंनी साकारलेल्या जवळपास सर्वच खलनायकी पात्रांना प्रेक्षकांची खास पसंती मिळाली. नाट्यक्षेत्रातही त्यांची ‘सखाराम बाईंडर’, ‘जंगली कबूतर’, ‘सूर्यास्त’, ‘बेबी’ ही नाटके विशेष उल्लेखनीय.

       कराड येथे एकदा नाट्यसंमेलन  भरले होते तेव्हा मनोहर जोशी हे संमेलनाध्यक्ष होते  आणि लोकसभेचे देखील अध्यक्ष होते ते विजय तेंडुलकर यांची महती सांगत गुणगान करीत होते तेव्हा निळूभाऊ त्यांचे भाषण वाचून आले आणि दुसऱ्या दिवशी कडाडले की .... . . . ‘काल लोकसभेचे सभापती माननीय मनोहर जोशी म्हणाले की, तेंडुलकर हे मोठे नाटककार होते. पण याच जोशींना मी पंचवीस वर्षापूर्वी निदर्शनं करताना आणि नाटय़गृहातल्या खुच्र्याची, लाइटची मोडतोड करताना पाहिलंय. कलावंतांना स्टेजवर शॉक बसायचे म्हणून कलावंत घाबरायचे. आणि आज हे सांगताहेत तेंडुलकर थोर नाटककार होते म्हणून. तेंडुलकर मोठे होते, हे समजायला यांना पंचवीस वर्षे लागली. म्हणून म्हणतो, अहो जरा वाचत जा. विचार करीत जा. समजत नसेल ते समजून घेत जा...’  असा होता हा माणूस....... सज्जन परंतु रोखठोकपणे सामाजिक बांधिलकी जपत प्रहार करणारे. बंदिस्त नसलेल्या लोकनाटय़ात हजरजबाबीपणाचे दर्शन घडविणारे निळूभाऊ.. एरवी नम्र असलेले मात्र, रंगमंचावर दरारा असलेले..

ज्येष्ठ अभिनेते निळू फुले यांना अभिनय क्षेत्रात असल्यामुळे मुलगी गार्गीला पुरेसा वेळ देता येत नसे. मात्र, तरीही वेळ मिळाल्यावर गार्गीशी नाटक, चित्रपट, अभिनय या विविध विषयांवर चर्चा करण्यास फुले प्राधान्य देत. त्यांनी गार्गीला पूर्णपणे स्वातंत्र्य दिले होते. वडिलांच्या बऱ्या-वाईट भूमिकेबद्दल ती त्यांच्याशी स्पष्टपणे बोलायची. वडीलांच्या नावाचा प्रभाव न वापरता तिने जिद्दीने नाटक-सिनेमा क्षेत्रात स्वत:चे स्थान निर्माण केले. तुला पाहते रे मध्ये गार्गी फुले यांना तुम्ही पाहिलं असेलच. 

मोठा माणूस

 ...  राम नगरकर यांनी ‘रामनगरी’मध्ये त्या संदर्भातली आठवण लिहिलीय. १९७२च्या दुष्काळातली ही घटना आहे. त्या काळात राम नगरकरही निळूभाऊंच्या घरी राहायला, जेवायला होते. निळूभाऊ त्यांच्याकडून काहीही घेत नव्हते. दुष्काळग्रस्तांच्या मदतीसाठी सेवादलानं गोळा केलेलं धान्य निळूभाऊंच्या घरी ठेवलं होतं. एके दिवशी संध्याकाळच्या वेळेस निळूभाऊ आणि राम नगरकर बाहेर जायला निघतात,तेवढय़ात निळूभाऊंची आई त्यांना हाक मारून बोलावते. म्हणते, थोडे पैसे दे. निळूभाऊ म्हणतात, माझ्याकडं पैसे नाहीत. आई म्हणते, घरात धान्याचा कण नाही, काय करायचं? त्यावर ते म्हणतात, काहीही कर. त्या माऊलीला साहजिकच घरातल्या धान्याच्या पोत्यांची आठवण येते. ती सहज म्हणते,यातलं पायलीभर धान्य घेऊ का, दोन दिवसांनी पैसे आल्यावर त्यात ते परत टाकूया. त्यावर निळूभाऊ तिला सांगतात, ‘ते लोकांचं आहे. उपाशी मेलो तरी चालेल, पण त्यातल्या दाण्यालाही हात लावायचा नाही.’ 

सामुहिक व्रतबंध (मौंजीबंधन) संस्कार सोहळा.

 आखिल ब्रांह्मण महा संघ,(रजि. नं.महा.एफ.१४५४५-२००७)

391,सिद्धेश्वर काँप्लेक्स,सोमवार पेठ,सातारा, 9604584682

सामुहिक व्रतबंध (मौजेबंधन) संस्कार सोहळा.

आखिल ब्राह्मण महासंघ,सातारा आयोजित सामुहिक व्रतबंध सोहळा शु. 3 सोमवार  22 मे 2023 रोजी सातारा येथे आयोजित केला आहे.
व्रतबंध मर्यादीत आहेत. 

नाममात्र शुल्क रू.7500/- आहे.यांमध्ये बटू सह घरातील १० व्यक्तीच्या जेवण   खर्च,मुंज विधी खर्च सामील आहे.

मुहुर्त मेढ, ग्रहमक ज्याचा त्याने आपल्या घरी करावयचा आहे. बटुचा लंगोट किंवा सोवळ्याची चड्डी, मुंडावळी,पिंपळाचा किंवा उंबराचा दंड,बटुचा पोषाख,अंतरपाठ,औक्षणाचे साहित्य,भिक्षावळ पदार्थ ज्याचे त्यांनी आणावयाचे आहे. हार,गुच्छ,पुजेचे साहित्य,गुरूजी, वैदीक साहित्य,मुंजीचे 5 फोटो,जेवण खर्च ,कार्यालय खर्च संस्थे मार्फत करण्यात येणार आहे.  

ज्यांना व्रतबंध सोहळ्यामध्ये सहभागी व्हायचे आहे त्यांनी नावनोंदणी करणे आवश्यक आहे.सहभाग मर्यादित असल्यामुळे सहभाग शुल्क रू.7500/- भरणा-यांचेच सहभाग निश्चित धरण्यात येतील. सहभाग शुल्क 'अखिल ब्राम्हण महासंघ, आय डी बी आय बँक , बचत खाते क्र.45110010958672,

IFSC नं IBKL 0000451

अथवा 

जनता सहकारी बँक लि. ,बचत खाते क्र. 0060302012226000,

IFSC नं. IBKL0451 JSB यामध्ये RTGS अथवा चेक द्वारे अथवा अखिल ब्राम्हण महासंघ,391, सिद्धेश्वर काँप्लेक्स,सोमवार पेठ,सातारा येथे रोख भरून आपला सहभाग निश्चित करावयाचा आहे.

वरील Scan करुन शुल्क अदा करु शकता

 

अधिक माहीतीसाठी
श्री.धनंजय कुलकर्णी (अध्यक्ष ) 9422603545,
श्री. भास्कर मेहेंदळे(सचिव) 9637180779
श्री. महेश कुलकर्णी 9822397384
यांचेकडे संपर्क सधावा.

The father is always in the cage of the accused | बाप नेहमीच आरोपीच्या पिंजर्‍यात असतो

 बाप नेहमीच आरोपीच्या पिंजर्‍यात असतो

बहुतेक सगळेच बाप नेहमीच आरोपीच्या पिंजर्‍यात उभे केलेले असतात आणि त्यांच्यावर विविध कलमांखाली आरोप ठेवलेले असतात. घरोघरचे आरोप बहुतेक त्याच त्या स्वरुपाचे असतात आणि बहुतेक बापांना हे समजतच नाही की आपण तर अनेक गोष्टी ज्यांच्या कल्याणासाठी आणि हितासाठी  करताना आयुष्यभर स्वत:लाच शिक्षा देत आलो त्यांनीच का बरं आपल्यावर आरोप पत्र ठेवावं आणि वाढलेल्या वयात, मानसिक ताण सहन होत नसतानाही त्या आरोपांसाठी होणार्‍या उलट तपासणीला सामोरं जावं.

तुम्ही आमच्यासाठी फार काय केलं? हा एक सर्वसाधारण आरोप असतो आणि तो सगळ्याच बापांच्या विरुध्द केला जातो. काय केलं याची यादी जर एखादा बाप चुकून द्यायला लागलाच तर, ”त्यात वेगळं काय केलंत” असं टोकलं जातं आणि सगळी सफाई देण्यापूर्वीच संपवलेली असते. तुम्ही आम्हाला प्रोत्साहनच दिलं नाही असा आणखी एक आरोप असतो. प्रोत्साहन द्यायचं म्हणजे काय करायचं? मुलाने जसा परफॉरमन्स दाखवला असेल त्यानुसार त्याने आपलं करीयर निवडलेलं असतं. अगदी इंजीनियर जरी झाला तरी मुलगा असा आरोप लावतो. त्यावेळी विचारच करत नाही की बापाने इंजीनियरिंगची फी भरताना किती ओढाताण करुन घेतली होती. तुम्हाला दूरदृष्टीच नाही. ज्यावेळी घरं स्वस्त होती तेंव्हा चार खोल्या आणि कार पार्कींग असलेला ब्लॉक घ्यायला काय हरकत होती अशा प्रकारचा आणखी एक आरोप असतो. तीन खोल्या घेताना मार्जिन मनी भरण्यासाठी बापाने काढलेलं कर्ज फेडण्यासाठी आणखी एक पार्टटाईम नोकरी केलेली असते हे मुलगाही विसरतो आणि त्याची आई पण. 

Nilu Phule 

माझा एक मित्र आहे. वकीली करतो. वकीली ठीक सुरु आहे. त्याने लग्न केलं त्यावेळी त्याची बायको बी कॉम च्या शेवटच्या वर्षाला नापास झाली होती. आपल्याला कुठे बायकोला नोकरीला लावायचंय असं म्हणत त्याने ती पसंत केली. दिसायला चार्चौघींसारखी होती. त्याने लग्नानंतर तिची इच्छा नसतानाही, तिला बी.कॉम. करायला प्रोत्साहन दिलं. पढे ती एम कॉमही झाली. नंतर ती एका कॉलेजला प्राध्यापक झाली. तिला भरपूर पगार मिळायला लागला. लग्नानंतर वीस वर्षांनी तिला जाणवायला लागलं की आपण एक वकील पसंत केला ही चूकच झाली. याच्यापेक्षा चांगलं स्थळ शोधायला हवं होतं. याचं कारण आता तिचं क्षितीज रुंदावलं होतं, हाती भरपूर पगार येत होता. ती हा विचार मात्र करत नाही की तिला शिकायला नवर्‍यानेच प्रवृत्त केलं, मदत केली, नोकरी मिळवण्यासाठी ओळखीचा वापर केला. आता तिलाच आपला नवरा आपल्याला मॅच नाही असं वाटायला लागलं. अजूनही दोघे एकत्रच आहेत आणि संसारही सुरु आहे. पण तिने कुठे तरी कुणाकडे तरी चुकून बोललेलं याच्या कानावर आल्यामुळे मात्र हा आतल्या आत खचून मात्र गेला आहे.

मुलगा ज्यावेळी बापावर आरोपपत्र ठेवतो त्यावेळी अनेक वेळा मुलाची आई आणि बापाची सहचारिणी बापाविरोधात साक्षिदार बनलेली पाहायला मिळते. ” तो काय चुकीचं बोलतो आहे?” हे एक वाक्य बापाच्या आयुष्यावर ’नापास’ किंवा ’पराभूत’ असा शिक्का मारायला पुरेसा असतं. माझ्या एका मित्राच्या मुलीने मुलगा पाहिला आणि मला याच्याशीच लग्न करायचंय असा हट्ट केला. बापाने सांगून पाहिलं, पण मुलगी हट्टाला पेटली आहे, आणखी विरोध केला तर विचित्र काही करेल असं वाटून परवानगी दिली. त्या मुलाला राहायला घर नसल्याने बापाने आपला एक ब्लॉक त्याला दिला, संसार उभा करुन दिला. पुढे पाच वर्षात त्या दोघांचं बिनसलं आणि त्याची परिणती घटस्फोटात झाली. मुलगी घरी आली. बाप आतल्या आत रडत होता. त्यावेळी मुलगी त्याला जाब विचारत होती, ” मला एक कळत नव्हतं, तुम्ही तर कडाडून विरोध करायचा होतात ना. तुम्ही मार लाडे लाडे जावई म्हणून त्याच्या नावावर घर करुन दिलंत. तुम्ही जर विरोध केला असतात तर माझं लग्न त्या विचित्र स्वभावाच्या मुलाशी झालं नसतं आणि आज ही वेळ आली नसती”.  तो मित्र एक दिवस एका हॉटेलमधे आम्ही बसलो असताना, एक पेग झाल्यावर ओक्साबोक्सी रडायला लागला होता. आपलं काय चुकलं हेच त्याला समजत नव्हतं. त्याला त्याच्या बायकोनेही मुलीची री ओढली होती याचं दु:ख अधिकच होत होतं. 

तुम्ही हे करायला हवं होतं, ते करायला नको होतं अशा अनेक गोष्टींचे अध्याय रोजच वाचले जातात. विशेषत: बाप निवृत्त झाल्यावर आणि मुलगा कमवायला लागल्यावर अशा आरोपांची संख्या आणि फ्रिक्वेन्सी वाढतीच असते. अनेकांना समजत नाही की खरंच आपण इतके कसे मूर्ख बनलो. जे आपलं कर्तव्य आहे असं समजत होतो आणि जे करण्यासाठी आपण आपल्यावरच अन्याय करत होतो ते आपले गुन्हे कसे बनले. याचं सगळ्यात महत्वाचं आणि एकमेव कारण म्हणजे आता बापावरचं अवलंबित्व संपलेलं असतं. मुलांचं आणि बायकोचंही. आता तिला तिचा मुलगा आधार द्यायला सिध्द झालेला असतो. बापाकडे जरी निवृत्ती वेतन असले, थोडीफार शिल्लक असली तरी जर त्यावाचून कुणाचं अडणार नसेल तर बापाची ही अवस्था ठरलेलीच आहे.

आता बापांनी आपण चुकीच्या लोकांसाठी, चुकीच्या कारणांसाठी आपलं आयुष्य वापरलं आहे असा पश्चात्ताप करायचा नाही. हाल सोसताना, कष्ट करताना, त्याग करताना आपल्याला कर्तव्यपूर्तीचा आनंद मिळत होता ना, तो आठवायचा. जग राहाटी अशीच असणार आहे. प्रत्येक बापाला आरोपीच्या पिंजर्‍यात उभं रायायला लागणारच आहे. आता असे आरोप झाले तर लगेच कबुली जबाब द्यायचा आणि वाद टाळायचा. ज्यांच्यासाठी त्याग केला, कष्ट सोसले त्यांच्याशी वाद घालायचे प्रसंग टाळणे तर हाती आहे नां.. एका त्रयस्थ भूमिकेतून या आरोपांकडे पाहायचं आणि बोध घेत पुढचं आयुष्य आपल्याच धुंदीत व्यतीत करायचं. हाच शहाणपणा आहे.

आपल्या व्यवसायाची जाहीरात आपल्या लोकप्रिय सोशल मिडीया सातारा मध्ये प्रसिद्ध करण्यासाठी संपर्क साधा digitalshende@gmail.com